Siç përflitej edhe më parë, kombëtarja e Australisë pritet të vendosë nëse do t’i besojë vendin e trajnerit të përfaqësueses, Xhani De Biazit.
Siç raportojnë mediat italiane, brenda dy javëve, pritet që federata australiane të marrë një vendim përfundimtar për këtë çështje, pasi ka kontaktuar me vetë teknikun.
Aktualisht, ish-trajneri i Kombëtares shqiptare, pas shkarkimit nga Alaveshi, kërkohet edhe nga Krotone e Serisë A, që për momentin është edhe ajo pa trajner. Por, De Biazit i duhet të presë deri për Krishtlindje, për të marrë vesh nëse do ketë mundësi të udhëheqë Australinë, në finalet e Kupës së Botës.
