5 sfida të forta, luhet për kreun dhe mbijetesën, java e 12-të vjen këtë fundjavë

Kampionati “Abissnet Superiore” rikthehet këtë fundjavë me ndeshjet e javës së 12-të.

Të shtunën do të zhvillohen tre takimet e para. Në orën 14:00 janë programuar dy ndeshje. Në stadiumin “Niko Dovana” do të luhet dueli Vora – Teuta, ndërsa në “Egnatia Arena” Egnatia do të përballet me Bylisin.

Në mbrëmje, në orën 19:00, do të zhvillohet ndeshja Dinamo City – AF Elbasani, e cila do të luhet në stadiumin “Air Albania”.

Java do të mbyllet të dielën me dy duelet e fundit, që do të luhen në orën 16:30. Partizani do të presë në shtëpi kryesuesit e “Abissnet Superiore”, Vllazninë, ndërsa në Vlorë do të zhvillohet takimi Flamurtari – Tirana.