Numri një i stolit të Interit, Chivu doli në konferencë para ndeshjes derbi ndaj Milanit, e programuar të luhet të dielën.
“Është një ndeshje e ndryshe nga të tjerat sepse është emocionuese dhe ndiqet në të gjithë botën. Por është ende një ndeshje dhe ne duhet të përgatitemi sa më mirë që të mundemi, siç kemi bërë gjithmonë. Gjithmonë ka tre pikë për t’u fituar, duke ditur se çfarë do të thotë kjo ndeshje për tifozët tanë. Ne e kuptojmë sa shumë u intereson atyre të kenë një të hënë të qetë dhe të mos tallen nga miqtë e tyre. Ne e dimë çfarë duhet të bëjmë, e gjithë bota po na shikon.
Duhet të bëjmë gjithçka që mundemi për të marrë tre pikët, pavarësisht kundërshtarit tonë. Nuk do të jetë ndeshje normale, sepse është një derbi, një ndeshje më vete, dhe nuk ka favoritë. Ne gjithmonë fillojmë 0-0, dhe duhet të hyjmë gjithmonë në fushë me vendosmërinë dhe fokusin e duhur.
Unë kam pasur mundësinë ta përjetoja si lojtar dhe e di se çfarë do të thotë dhe si t’i qasem derbit. Ndonjëherë pritja është e tepërt dhe duhet të trajtohet me pjekuri. Lojtarët gjithmonë përpiqen të japin gjithçka nga vetja për të sjellë rezultatin në shtëpi. Shpresoj të jetë një ndeshje e shkëlqyer dhe argëtuese, një ndeshje që shërben si pasqyrim i futbollit italian në të gjithë botën. Kërkon qëndrimin e duhur dhe lojën e ndershme në fushë”, u shpreh Chivu.
