Kombëtarja shqiptare siguroi për herë të parë pjesëmarrjen në fazën play-off të një Kampionati Botëror. Kuqezinjtë u renditën në vendin e dytë në grupin K, me një total prej 14 pikësh të grumbulluara në 8 ndeshje.
Një arritje historike kjo për Shqipërinë, që përveç se siguroi pjesëmarrjen në play-off në vitin 2025 ka pasur edhe disa rekorde të tjera.
Kombëtarja i mbylli këto eliminatore me vetëm dy humbje, ato ndaj Anglisë ndërsa në 6 takimet e tjera siguroi 4 fitore dhe dy barazime.
Për herë të parë në historinë e këtyre kualifikueseve, kuqezinjtë e mbylln edicionin me një golavarazh pozitiv. 7 gola të shënuar dhe vetëm 5 të pësuar.
Viti 2025 ishte shumë pozitiv për Shqipërinë, pasi për herë të parë kuqezinjtë morën pesë fitore rresht. Ndaj Gjilbraltarit (0-1), Letonisë (1-0), Serbisë (0-1), Jordanisë (4-2) dhe Andorrës (0-1).
Kombëtarja shqiptare do të rikthehet në fushë më 26 mars kundër Polonisë, në takimin e vlefshëm për fazën play-off të Kampionatit Botëror. Nëse Shqipëria kalon me sukses Poloninë, në finalen e play-off-it që të dërgon në Botërorin 2026 do të luajë ndaj fituesit të çiftit Ukrainë/Suedi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
