Nesër nis turneu i fundit kualifikues europian i organizuar nga Federata Shqiptare e Futbollit për këtë vit.
Të gjitha ndeshjet e grupit B2, të raundit të parë të Kampionatit Europian 2026, ku marrin pjesë Shqipëria, Sllovakia, Lihtenshtejni dhe Luksemburgu, do të luhen në “Egnatia Arena”, “Air Albania” dhe “Elbasan Arena”.
Kombëtarja U-19 e vajzave do të përballet nesër me Luksemburgun U-19 në “Egnatia Arena”, në orën 14:00. Ndërkohë, në orën 12:00, në “Air Albania” do të zhvillohet takimi Sllovaki U-19 – Lihtenshtejn U-19.
Nën drejtimin e trajneres Daniela Kodra, vajzat kanë mbyllur përgatitjet. Asnjë futbolliste nuk ka probleme fizike dhe të gjitha do të jenë në dispozicion për ndeshjen e parë kualifikuese ndaj Luksemburgut.
Ndeshja Shqipëri U-19 – Luksemburg U-19 do të transmetohet live në kanalin FSHF TV në platformën “Klani im”.
Turneu U-19 për vajza në Shqipëri
Sllovaki U-19 – Lihtenshtejn U-19, “Air Albania”, 25.11.2025 12:00
Shqiperi U-19 – Luksemburg U-19, “Egnatia Arena”, 25.11.2025 14:00
Luksemburg U-19 – Lihtenshtejn U-19, “Air Albania”, 28.11.2025 12:00
Sllovaki U-19 – Shqiperi U-19, “Egnatia Arena”, 28.11.2025 14:00
Luksemburg U-19 – Sllovaki U-19, “Elbasan Arena”, 01.12.2025 13:30
Lihtenshtejn U-19 – Shqiperi U-19, “Egnatia Arena”, 01.12.2025 13:30
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
