Nga titullar ndaj Anglisë, në stol me Torinon, kjo jo për zgjedhje teknike të Baronit, por Ismajli vuan nga një shqetësim në kofshë. Mbrojtësi kuqezi mbetet peng i dëmtimeve të shumta, edhe këtë herë u detyrua të “parkojë në bokse” për sfidën kundër Comos pasi shqetësimet në kofshë nuk e lejuan të stërvitet rregullisht. Pa Ismajlin në qendër të mbrojtjes, Torino pësoi një disfatë të rëndë brenda në shtëpi, një humbje e thellë 1-5.
Nga minuta e parë u rikthye Asllani, me mesfushorin kuqezi që sfidoi Fabregas, trajnerin që e kërkoi me insistim, por Asllani ashtu si pjesa tjetër e Torinos ishte në një mbrëmje të errët. Në këtë 90-minutësh, mesfushori la gjurmë vetëm në episodin e penalltisë të fituar në fraksionin e parë, ku debatoi me Vlasic për të goditur penalltinë, në fund ishte kroati që e konvertoi në gol.
Pas këtij momenti, që vendosi provizorisht baraspeshën në 1-1, Como mori kontrolli total të lojës duke shënuar edhe katër herë të tjera. Asllani qëndroi në fushë për 90-minuta, i vlerësuar nga mediat me notën 6,4.
()
