Gjuha angleze mbetet gjuha kryesore ndërkombëtare e komunikimit, ndërsa evropianët renditen ndër më të mirët në një studim për njohuritë e përdorimit të saj.
Sipas raportit të fundit EF English Proficiency Index 2025, holandezët u renditën për të shtatën vit radhazi në krye të listës për mësimin e anglishtes si gjuhë e huaj në nivel botëror. Edhe pse shkalla e tyre e përgjithshme ra me 12 pikë krahasuar me 2024, Holanda ruan vendin e parë. Në tre vendet e para ndodhen gjithashtu Kroacia dhe Austria, të cilat përmirësuan rezultatet e tyre.
Studimi klasifikon 12 vende të BE-së në kategorinë e ‘njohurive shumë të larta’, që përfshin aftësinë për të përdorur shprehje të sakta dhe të përshtatshme në situata shoqërore, leximin e teksteve komplekse dhe negociimin e kontratave me folësit amtare. Këto vende janë: Holanda, Kroacia, Austria, Gjermania, Norvegjia, Portugalia, Danimarka, Suedia, Belgjika, Sllovakia, Rumania dhe Finlanda.
Ndërkaq, Italia, Qiproja dhe Franca renditen në vendet më të ulëta, në kategorinë e ‘njohurive të mesme’, së bashku me Lituaninë dhe Spanjën. Folësit në këtë kategori mund të marrin pjesë në takime profesionale dhe të shkruajnë emaile pune, por aftësitë e tyre mbeten të kufizuara në situata më komplekse.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
