Pas ndarjes së bujshme me Hande Erçel në shtator, Hakan Sabanci duket se ka kthyer faqen e re të jetës sentimentale. Mediat turke raportojnë se ai është parë në Miami në shoqërinë e sipërmarrëses dhe blogeres së njohur, Naz Şahin, duke ngritur menjëherë dyshimet për një romancë të mundshme mes tyre.
Të dy u panë fillimisht bashkë gjatë një feste në Miami, ku sipas dëshmitarëve megjithëse nuk qëndruan vazhdimisht pranë njëri-tjetrit, ata shkëmbyen shpesh shikime dhe biseda. Përpjekjet për t’iu shmangur vëmendjes së rrjeteve sociale vetëm sa i bënë më intriguese thashethemet, pasi më vonë zbulua se takimi i tyre nuk ishte aspak i rastësishëm.
Pas festës, Sabanci dhe Şahin u fotografuan duke bërë pazar dhe mendohet se udhëtuan së bashku drejt Miami-t, gjë që ka ndezur edhe më shumë spekulimet për një lidhje të re në horizont. Ndërkohë, Naz Şahin së fundmi është ndarë nga DJ i njohur turk, Mahmut Orhan, duke lënë hapësirë për shumë interpretime.
Nga ana tjetër, edhe Hande Erçel nuk ka mbetur pas. Ylli i serialit “Dashuria është në ajër” raportohet se ka nisur një romancë të re me një producent 45-vjeçar. Edhe pse identiteti i tij nuk është zbuluar, mediat turke shkruajnë se çifti i ri ka udhëtuar së bashku drejt Londrës, duke shtuar dyshimet se aktorja ka gjetur dikë të ri pas ndarjes nga Sabanci.
Historia e dy ish-partnerëve po merr përmasa të reja çdo ditë, me publikun që po ndjek me kureshtje zhvillimet në jetën e tyre personale dhe duket se të dy po shkruajnë kapituj të rinj përtej marrëdhënies së kaluar.
