Është mbyllur java e 16-të e Kategorisë së Parë me ndeshjen e fundit të zhvilluar mes Lushnjes dhe Besës. Besa e Kavajës regjistroi fitoren e dytë radhazi në kampionat, pasi triumfoi në transfertë ndaj Lushnjes me rezultatin minimal 1-0.
Në duelin më të fortë të javës, Laçi mposhti Skënderbeun në shtëpi 2-1, duke ngushtuar diferencën në vetëm 4 pikë me korçarët, që kryesojnë kampionatin dhe kanë edhe një ndeshje më shumë për të zhvilluar.
Me të njëjtin ritëm po ecën edhe Pogradeci, i cili këtë fundjavë mundi Kukësin 2-0. Liqenorët renditen në vendin e tretë, me një pikë më pak se Laçi i vendit të dytë.
Korabi arriti një fitore të rëndësishme, duke mposhtur Apoloninë në Fier me rezultatin e thellë 3-0.
Dy ndeshje u mbyllën në barazim në javën e 16-të të Kategorisë së Parë, Iliria – AF Luftëtari 1-1 dhe Burreli – Kastrioti 0-0.
Java 16
KF Laçi – Skënderbeu 2-1
Pogradeci – Kukësi 2-0
Iliria – AF Luftëtari 1-1
Burreli – Kastrioti 0-0
Apolonia – Korabi 0-3
Lushnja – Besa 0-1
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
