“Big Brother VIP Albania 5” nis sonte mbrëmje dhe surprizat nuk kanë munguar që para startit. Burime pranë Top Channel kanë bërë me dije për revistën “Anabel” se një nga opinionistet e këtij edicioni do të jetë Monika Kryemadhi. Ky është një zhvillim i papritur, pasi kjo do të jetë hera e parë që Kryemadhi shfaqet kaq pranë botës së spektaklit televiziv dhe për herë të parë në rolin e opinionistes në një format argëtues.
Përsa i përket opinionistit tjetër, ende nuk ka një konfirmim zyrtar. Mbetet e paqartë nëse publiku do të shohë për të pestin vit radhazi Arbër Hajdarin në këtë rol, apo nëse produksioni ka zgjedhur një emër të ri për ta shoqëruar Kryemadhin në panelin e opinionistëve.
Ndërkohë, është konfirmuar se moderimi i “Big Brother VIP Albania 5” i është besuar sërish Ledion Liços, i cili rikthehet për të drejtuar një tjetër sezon të formatit më të ndjekur në vend.
Nga ana tjetër, Top Channel zbuloi zyrtarisht se një nga banorët e këtij viti do të jetë Angelo Haruni, gazetar dhe moderator i emisionit ekonomik “Top Talk”. Prania e tij pritet të sjellë dinamika interesante brenda shtëpisë.
Sa i përket “Fan Club”, emisioni që nis transmetimin një ditë pas startit të BBVA, moderimi do të jetë në duart e Kiara Titos. Dy opinionistët e konfirmuar për këtë format janë Françeska Murati dhe Arjan Konomi.
Me këto emra dhe kombinime, edicioni i pestë i “Big Brother VIP Albania” pritet të jetë një nga më të komentuarit deri tani.
