Dinamo fitoi Superkupën e Shqipërisë për herë të tretë në histori duke mundur në finale Egnatian. Veç spektaklit në fushë, kishte edhe momente interesante në tribuna, megjithëse pak tifozë.
– Në “Air Albania” ishin pak tifozë në fillim të ndeshjes por me kalimin e minutave numri u rrit dhe kishte rreth 4-5 mijë tifozë.
– Ndeshja nis me spektakël fishekzjarrësh kur skuadrat ishin rreshtuar në mesfushë duke pritur ekzekutimin e himnit Kombëtar.
– Ashtu siç është zakon, këndohet himni i flamurit pasi luhej një finale dhe pas himnit, nisi procedura standarde e ndeshjeve.
– Në tribuna kishte personalitete dhe figura të njohura të futbollit në Shqipëri, mes të cilëve edhe Altin Lala dhe Baton Zabërgja.
– Ceremonia e dhënies së trofeut, ashtu si në të shkuarën u mbajt në tribunën VIP, dhe jo në fushë siç ndodh rëndom nëpër stadiume.
– I pakënaqur me lojën e bërë, Tetova është i pari që kryen 3 ndërrime, por nuk ndryshoi gjë pasi Dinamo fitoi në fund.
– Në pushimin mes pjesëve, akademia e Dinamos dhe ajo e Egnatias zhvilluan një miniturne me penallti, ku të vegjlit e Dinamos fituan.
– Në tribunat pas porte ishin të vendosura dy tifogrupet, por të paktë në numër. Megjithatë, shpesh herë dëgjoheshin duke kënduar.
– Incident në fushë mes Guindos dhe Tetovës. Trajneri tenton të ndalë një top që shkoi në rivënie anësore, ndërkohë që Guindo duke e larguar, përplaset me trajnerin i cili kërkon llogari te kryesori.
– Dinamo fiton ndeshjen e tretë radhazi me përmbysje pas Vorës e Partizanit, teksa këtë sezon nuk kishte fituar kurrë 3 ndeshje radhazi.
– Kjo ishte finalja e dytë radhazi që Dinamo fiton kundër Egnatias. Fillimisht kryeqytetasit kishin fituar Kupën e Shqipërisë.
– Për Dinamo është trofeu i tretë i Superkupës. Pasi më pare kishin fituar në 1990 dhe 2008.
– Te Dinamo nuk ka një goditës penalltish që i besohen rregullisht pas Bregut. Në ndeshjen ndaj Tiranës ishte Vila, ndërkohë që mbrëmë ndaj Egnatias iu besua Qefalisë i cili e ndali topin në trekëndësh.
