Profesori i njohur gjirokastrit Roland Çene ka ndërruar jetë. Lajmin e konfirmon Ylli Asllani përmes një shënimi në rrjetet sociale, ku mes të tjerash nderon figurën e si krijues, pedagog, dirigjent e muzikolog. Më poshtë shkrimi i plotë i Asllanit.
Lamtumirë Roland Çene!
Bota gjirokastrite është në zi për ty i dashur Profesor, Qytetar dhe Mik i vyer! Qyteti gurtë ka humbur me ty një nga bijtë dhe personalitetet më të shquar në historinë e tij! I përcjellim Tatjanes, bijës dhe Dorit ngushellime me te ndjera per ndarjen nga jeta te babait të tyre te shtrenjte dhe mikut tonë te paharruar, personalitetit te shquar gjirokastrit, artistit te talentuar dhe qytetarit model Roland Cene!
Janë disa humbje si kjo që nuk do të donim ti besonim! Gjirokastritet do te perkulen perjete me veneracion te thelle para kujtimit, emrit te madh dhe kontributit te pazevendesueshem te tij ne kulturen, muziken, artin, koreografine, folklorin, arsimin artistik dhe ne koncertet e aktivitetet e pafund qe ndricuan mendjet dhe shpirtrat e te gjithe artdashesve dhe qytetareve tane!
Roland Çene krijoi dhe udhehoqi nje nga epokat me te ndritura te vlerave muzikore dhe artistike te Gjirokastres!
Ai ishte intelektuali emblemë dhe perfaqesuesi me dinjitoz i botes, mendimit dhe shpirtit artdashes te qytetit te gurte ne te gjitha skenat, katedrat, universitetet dhe konferencat kulturore!
Rolandi do të ngelet ikona e etnokulturës, muzikës dhe krijimtarisë gjirokastrite! Ai ishte nxitesi, zbuluesi dhe profesori i pare i mijrave talenteve te reja qe mbushen radhet e orkestrave, shkollave, institucioneve kulturore dhe aktiviteteve qe ai krijoi, modeloi dhe drejtoi per dekada me rradhe!
Roland Çene do te ngelet shembull unikal i dashurise, sakrifices dhe perkushtimit per Gjirokastrën, vendlindjen tone te perbashket! E kam njohur qysh i vogël si shembull inspirues, kur dëgjoja nga im At se e kërkonin me ngulm në Institutin e arteve në Tiranë dhe në çdo Orkestër Kombëtare për talentin e tij të spikatur, por ai vendosi pasionin, energjinë dhe vlerat e veta në ndriçimin kulturor e artistik të vendlindjes…!
Personalisht do ti jem mirenjohes perjete per miqesine tone tradicionale, mirekuptimin intelektual dhe per bashkepunimin e ngushte ne Bashkine e qytetit si drejtues legjendar i Qendrës Kulturore , si dhe per ringritjen e Ansamblit ‘Gjirokastra’ dhe rikthimin e Festivalit Folklorik te Gjirokastres.
Shpesh nuk ja dalim dot te shprehim gjithe fjalet qe një kolos si ai meriton, por do te thoja se le te kujtojme me kënaqësi qe ishim te favorizuar si pjese e udhetimit te tij plot lavdi! Shoqëria gjirokastrite do të ishte e lumtur dhe vlerësuar që një nga rrugët kryesore apo Institucionet artististike të përjetonin emrin e madh të Roland Çenes! Ndritë mes yjesh përjetësisht shpirti Tij fisnik!
