Inter përfiton nga hapi fals i Napolit, thyen 2-0 Parma-n dhe qëndron i qetë në krye të Serie A, në kuotën e 42 pikëve, plus 4 në raport me blutë, ndërsa kalon presionin tek Milan. Ekipi i Chivu-t nuk ishte brilant në këtë transfertë, por dhanë gjithçka në fushë duke marrë një trepikësh jetik në garën për titull. Dy ekipet zhvilluan një futboll të hapur, kjo edhe për meritë të Parmës që vendosi jo pak në vështirësi zikaltërit, madje goditën edhe shtyllën në fraksionin e parë.
Në minutën e 42-të, Dimarco gjeti rrugën e rrjetës, por fillimisht gjyqtari i takimit i ngriu festën teksa anuloi gjithçka për pozicion jashtë loje, gol më pas i konfirmuar me VAR. Në fraksionin e dytë, Chivu ndërhyri në formacion duke kryer disa zëvendësime, mes tyre hodhi në fushë edhe dyshen Thuram-Bonny. Në shtesë, në minutën e 94-ët ishte pikërisht Bonny që gjeti golin e qetësisë, por VAR anuloi gjithçka për prekje të topit me dorë nga Thuram. Me Parmën të hedhur në sulm, në përpjekje për të gjetur golin e barazimit, Inter i kapi mat në minutën e 98-të, ku Thuram me një zbritje të shpejt në sulm sigloi shifrat në 0-2.
Feston për këtë trepikësh jo të lehtë trajneri Chivu: “Nuk është kurrë e lehtë të lush në Serie A, duhet të japësh gjithnjë diçka më shumë në një stadium të tillë, në kushte të tilla atmosferike. U përpoqëm të ishim dominues ndaj një skuadër të mbyllur, por nuk ishte e thjeshtë. Sjellja e ekipit kjo fitore ishte fantastike”, u shpreh Chivu.
Suksesi i Inter mori faqet e para të mediave italiane: “Shkëputet Inter, frenon Napoli”, shkruan La Gazzetta dello Sport në faqen e parë. Në të njëjtën linjë ishte edhe e përditshmja tjetër, Corriere dello Sport, me Inter që shkëputet plus 4 në raport me Napolin.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
