Me Gjimshitin titullar dhe 90-minuta në fushë, Atalanta doli me 3 pikë nga transferta përballë Bologna-s, një sukses 0-2 i vendosur nga “dopjeta” e Krstovic. Fal kësaj fitoreje, ekipi bergamask i afrohet zonës euro ku pas javës së 19-të e sheh veten në vendin e 7-të në kuotën e 28 pikëve, 5 pikë më pak se Como. Kapiteni kuqezi zhvilloi një tjetër ndeshje thuajse perfekte i vlerësuar nga mediat me notën 7,6.
Më në fund, rikthehet në fushë edhe Elseid Hysaj. I përfshirë në skuadër këtë janar, anësori kuqezi u aktivizua pas minutës së 80-të në sfidën Lazio-Fiorentina. Ekipi i tij nuk shkoi më shumë se një barazim 2-2 përballë Fiores, një pikë e vendosur nga një penallti e Pedros në minutën e 95-të.
Një humbje të rendë 1-2 brenda në shtëpi pësoi Torino përballë Udineses. Ardian Ismajli zbriti në fushë si titullar, por u zëvendësua në minutën e 77-të, i vlerësuar nga mediat me notën 6,9. Nuk u preferua asnjë minutë as në këtë takim, Kristjan Asllani, një tjetër detaj i fortë që e largon mesfushorin kuqezi nga Torino.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
