Departamenti Ligjor dhe i Licencimit të klubeve në Federatën e Futbollit ka nisur takimet dypalëshe me dy klubet e kryeqytetit KF Tirana dhe FK Partizani, në kuadër të procesit të licencimit të klubeve për sezonin e ri 2026–2027.
Këto takime, të zhvilluara gjatë kësaj jave në ambientet e secilit klub, u fokusuan në sqarimin e detajuar të rregulloreve të licencimit, standardet që duhet të përmbushen si dhe në garantimin e plotësimit të saktë dhe brenda afateve të të gjithë dokumentacionit të kërkuar nga klubet aplikante për licencë.
FSHF vijon të demonstrojë angazhimin e saj për një proces transparent, profesional dhe në përputhje me standardet kombëtare dhe ndërkombëtare, duke e konsideruar licencimin një element kyç për rritjen e cilësisë dhe qëndrueshmërisë së futbollit shqiptar.
Në ditët e ardhshme, do të organizohen takime të ngjashme edhe me klubet e tjera të “Abissnet Superiore” me qëllim ndërgjegjësimin e tyre për rëndësinë e këtij procesi dhe ofrimin e asistencës për plotësimin e dokumentacionit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
