Partizani ka transferuar sulmuesin belg Sekou Sidibe. Lajmi është bërë i ditur nga klubi, nëpërmjet një postimi në rrjetet sociale.
Sidibe, i cili vjen nga skuadra belge e La Louvière, ka nënshkruar një kontratë të vlefshme deri në vitin 2027.
“Sekou Sidibe është lojtari më i ri i Partizanit. Klubi zyrtarizon arritjen e marrëveshjes me sulmuesin anësor nga Belgjika. 24 vjeçar ka nënshkruar me Partizanin një kontratë për një vit e gjysëm dhe është prezantuar sot në ambjentet e klubit nga drejtori sportiv Agim Ibraimi.
Sidibe është formuar si lojtar në ekipet e moshave të klubit holandez PSV Eindhoven, si dhe ka qenë pjesë e ekipeve përfaqësueseve të Belgjikës U-15 deri U-19. Ai ka luajtur gjithashtu me Universitatea Craiova në Rumani dhe së fundmi me La Louvière në Jupiler Pro League të Belgjikës”- shkruan klubi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
