Uilliams nuk do të marrë pjesë në testet parasezonale të Formula 1 për vitin 2026 që zhvillohen më 26–30 janar në Barcelonë.Ekipi britanik ka hasur vështirësi në kalimin e testeve të detyrueshme të përplasjes së FIA-s, të cilat për vitin 2026 janë bërë më të rrepta. Për këtë arsye, Uilliams nuk ka arritur të jetë gati në kohë.
Në një deklaratë zyrtare, Uilliams F1 konfirmoi se nuk do të marrë pjesë në testin në Barcelonë për shkak të vonesave në programin “FW48”. Në vend të kësaj, ekipi do të zhvillojë teste virtuale (VTT) dhe punë në simulator, në përgatitje për testet zyrtare në Bahrejn dhe garën e parë të sezonit në Melburn.
Karlos Sainz dhe Aleks Albon pritet të kenë nga maksimumi 3 ditë secili testimi në Bahrejn, përpara nisjes së Kampionatit Botëror. Fokus kryesor i këtyre provave do të jetë motori i ri Mercedes, çka mund të zbusë pasojat e mungesës në Barcelonë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
