Komisioni i Disiplinës në FSHF ka vendosur sot për përjashtimin e ekipit të Këlcyrës nga kategoria e dytë për këtë sezon futbollistik, ndërsa ndeshja u konsiderua e fituar me rezultatin 3 me 0 nga Përmeti. Por veç përjashtimit të ekipit, tre futbollistë të Këlcyrës u përjashtuan përgjithmonë nga pjesëmarrja në çdo aktivitet futbollistik në vend. Ky dënim vjen pas dhunës barbare të ushtruar ndaj arbitrit të ndeshjes, Alvi Paço. Por cilët janë tre lojtarët e përjashtuar përgjithmonë nga futbolli? Entilion Kamberi, Renis Spahiu dhe Kamber Kamberaj. Masa e rëndë ndaj tyre është dhënë për shkak dhunës ndaj arbitrit të ndeshjes. Ndërsa të pezulluar për një afat kohor janë disa futbollistë të tjerë të Këlcyrës.
©ArgjiroLajm.net
