Redi Kasa është zyrtarisht pa ekip. Gjilani ka njoftuar largimin e sulmuesit, që kishte kontratë të vlefshme deri në vitin 2027. Kasa mbahet mend në Superiore për eksperiencën me Egnatian. Aty ku fitoi titullin kampion, Kupën dhe Superkupën.
Njoftimi i Gjilanit:
“Njoftim zyrtar | Mbyllet kapitulli me futbollistin Redi Kasa
Sport Club Gjilani njofton opinionin publik se, me marrëveshje të ndërsjellë, është arritur ndërprerja e parakohshme e kontratës me futbollistin Redi Kasa.
Redi Kasa iu bashkua SC Gjilanit në verën e vitit të kaluar nga Egnatia dhe gjatë periudhës së angazhimit të tij me klubin, ai u paraqit në 7 ndeshje kampionale si dhe në 1 ndeshje të Kupës.
Sport Club Gjilani e falënderon futbollistin Redi Kasa për kontributin dhe profesionalizmin e treguar gjatë kohës së qëndrimit në klub dhe i uron shumë suksese në vazhdimësinë e karrierës së tij sportive. Zyra për Informim dhe Komunikim. 03 Shkurt, 2026”, shkruan Gjilani.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
