Ernest Muçi është pa diskutim është legjionari më në formë, me sulmuesin kuqezi që vijon të dhurojë spektakël në Turqi, këtë herë në Kupë. Ish futbollisti i Tiranës ishte protagonist kryesor në suksesin 3-0 që Trabzonspor arriti përballë Fetijespor. Muçi realizoi një super gol dhe dhuroi një asist, por jo vetëm kaq, për 90 minuta ishte lojtari më i mirë në fushë duke qenë i rrezikshëm sa herë kishte topin në këmbë.
Pas disa përpjekjeve, në minutën e 69-të, Muçi lëshoi një predhë të vërtetë nga distanca, një goditje fantastike që la të pa lëvizur edhe portierin. Goli i Muçit qetësoi Trabzonspor, me vendasit që gjetën shumë shpejt edhe golin e dytë. Në të 79-të, sulmuesi kuqezi dhuroi edhe një asist duke bërë që Trabzonspor të kalonte më tej në Kupën e Turqisë, turne ku Muçi ka realizuar dhe gola dhe ka dhuruar 2 asiste në katër ndeshje. Sulmuesi shqiptar është golashënuesi më i mirë i ekipit të tij pasi edhe në kampionat ka shënuar 8 gola, shifra me të vërtetë fantastike.
Pas ndeshjes, Muçi theksoi se një ndikim të madh në paraqitjet e tij këtë periudhë ka ambienti në ekip dhe trajneri: “Jam i lumtur për paraqitjen time. Këtu kam gjetur një ambient të mirë, trajneri beson tek unë dhe kemi një skuadër të mirë, këto gjëra ndikojnë pozitivisht edhe në perfomancën time”, u shpreh Muçi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
