Trajneri i Bylisit, Mirel Josa dha mendimin e tij pas humbjes 0-1 ndaj Vllaznisë në Kupë.
“Nëse do t’i kapim rastet e veçanta, unë jam dakord që mesfushorët e qendrës e bënë mirë detyrën. Nuk është se Vllaznia na vertikalizoi me topat e gjatë. Ata mund ta bënin me topa të gjatë dhe kanë pika referimi, por ne nuk patëm rrezikshmëri në këtë drejtim. E vetmja rrezikshmëri që na erdhi ishte nga krahu, krosimi nga krahu, aty ishte problem qendërmbrojtësi. Duhet të kishte marrë pozicion më përpara.
Ai nuk ishte top i lirë, Vllaznia ekzekutoi aksionin me 1 takim. Aty duhet të kishim parasysh zonën, rrëshqitjen e dy qendërmbrojtësve. Nga momenti kur kontrollon topin në atë pozicion, s’kemi pse ndërhymë, pasi gabimi është bërë më para. Në momentet e presionit nuk mund të vertikalizonim shumë. Në sistemin e vendosjes duhet të kemi parasysh lojtarët që kanë bërë mirë dhe ata do të vazhdojnë të luajnë, do t’i përshtatem sistemit. Nuk mund të detyroj lojtarët që të luajnë në pozicion tjetër.
Është shumë e vështirë, vjen një Vllazni me probleme dhe me lojtarë titullarë që s’luajtën, do të jetë shumë e vështirë. Nuk mendoj shumë për Vllazninë, pasi të shtunën kemi një ndeshje shumë determinante në Durrës. Nuk mendoj aspak për Kupën”, tha Josa.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
