Flamurtari ka një transfertë delikatë në “Elbasan Arena”, aty ku do të përballet me Dinamon në Superiore. Për Morieron, mund të jetë shansi i fundit pasi situata nuk është e mirë dhe rezultatet negative janë kthyer në normalitet në kampin vlonjat teksa edhe rënia nga kategoria duket shumë afër.
Për këtë takim, Moriero nuk do të ketë shërbimet e Bitnsukës i cili u dëmtua në sfidën e fundit ndaj Egnatias, ndërkohë që i gatshëm do të jetë Lorenc Trashi pasi ka lënë pas dëmtimin e pësuar pak ditë më parë. Në portë, Aleksovski pritet titullar pasi është ndër të vetmit që ka bindur deri më tani, teksa një fanellë titullari do të ketë edhe për Pjeshkën, Veigën e Diavaran në prapavijë.
Ndryshime do të ketë në repartin e sulmit, aty ku Çantakias dhe Maksuti do të ndihmojnë Ememen. Mesi i fushës do t’i besohet Oshafit i ndihmuar edhe nga Ramani e Todorovski.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
