Drita ka arkëtuar tri pikë shumë të rëndësishme në kuadër të xhiros së 20-të në AlbiMall Superligë, duke triumfuar me shumë vështirësi para tifozëve të vet në përballje me Drenicën, 1:0.
Heroi i ndeshjes ishte kapiteni Besnik Krasniqi, i cili realizoi golin e fitores në kohën shtesë të ndeshjes, me gjuajtje me kokë nga afërsia.
Në pjesën e parë Drenica pati disa mundësi të mira shënimi, por më i merituari që rrjeta e portës së kampionëve në fuqi mbeti e paprekur ishte portieri Faton Maloku.
Pas kësaj fitoreje, Drita ngjitet në kuotën e 35 pikëve në pozitën e dytë, vetëm një pikë më pak se lideri Ballkani dhe dy më shumë se Prishtina që renditet e treta, por të cilat ndeshjet e kësaj jave nuk i kanë zhvilluar ende. Ndërkaq, Drenica mbetet në pozitën e tetë, me 21 pikë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
