Sulmuesi i Partizanit, Sekou Sidibe u zgjodh “Lojtari i Ndeshjes” në derbin me Tiranën. Ai shënoi gol dhe dhuroi asist për Isgandarli. Pas sfidës ai u shpreh i lumtur që ndodhet te të kuqtë teksa u shoqërua nga Xhuliano Skuka në rolin e përkthyesit.
“Faleminderit. Faleminderit Zotit, presidentit dhe drejtorit, kanë bërë një punë të mirë me ardhjen time, më kanë ofruar shumë. I falenderoj shumë çunat e skuadrës edhe për dhuratën që më bënë për djalin që më ka lindur, është një motivim i madh, besoj do të vazhdojmë kështu. E kemi punuar gjatë javës, janë detyrat e trajnerit, duhet ti respektojmë. Për të fituar ndeshjen duhet të mbrojmë njëherë dhe pastaj të mendojmë përpara. Në situatën që ishim në janar nuk besoj se ka pasur njerëz që mendonin për objektivat personale, kështu që çdo gjë që bëhet, bëhet në shërbim të ekipit, besoj që me forcën dhe besimin e Zotit do tja dalim dhe ta çojmë ekipin atje ku duhet pasi është një ekip shumë i madh”, tha ai për “RTSH Sport”.
Përveçse bëri rolin e përkthyesit, Skuka deklaroi se kur ishte i vogël ka qenë në provë te Metz dhe se kanë marrë.
“Prit tju them një gjë që ndoshta nuk e dini. Kur kam qenë i vogël kam qenë në provë te Metz dhe nuk më kanë marrë. Më vonë më kanë blerë”, tha Skuka.
