Influencuesja dhe sipërmarrësja e njohur YesJulz ka rikthyer vëmendjen mbi veten, këtë herë duke trazuar jo pak botën e NFL, vetëm pak orë pas përfundimit të Super Bowl LX, ku Seattle Seahawks festuan fitoren e tyre.
Gjithçka nisi me një postim të drejtpërdrejtë në platformën X, ku YesJulz iu drejtua lojtarëve të NFL-së me një mesazh që u përhap me shpejtësi virale. Ajo paralajmëroi se nëse ndonjë prej tyre do t’i dërgonte mesazhe private dhe ajo do të zbulonte se ishte i martuar, nuk do të hezitonte t’ua përcillte bisedat bashkëshorteve të tyre. Mesazhi, i shkruar me ton të prerë, u interpretua nga shumëkush si një sinjal i fortë kundër pabesisë dhe sjelljeve të dyfishta në jetën private të sportistëve të famshëm.
Reagimet nuk vonuan. Fansat e futbollit amerikan, ndjekësit e saj dhe komentuesit në rrjete sociale nisën debatet, duke e cilësuar deklaratën herë si guximtare e herë si provokuese. Sipas raportimeve online, disa lojtarë të NFL-së e morën seriozisht paralajmërimin, duke shmangur çdo ndërveprim privat.
Megjithatë, YesJulz tregoi se nuk kishte ndërmend ta linte situatën vetëm në një notë të tensionuar. Vetëm disa orë më vonë, ajo reagoi sërish me humor, duke ironizuar situatën dhe duke shkruar se tani e tutje çdo mesazh privat që ajo dërgon nis me frazën: “Nuk jam e martuar dhe nuk kam të dashur.”
