Aktorja spanjolle Úrsula Corberó, e njohur në mbarë botën për rolin e saj si “Tokio” në serialin hit La Casa de Papel, është bërë nënë për herë të parë.
Lajmin e bukur ajo e ndau me ndjekësit në Instagram, duke publikuar një foto prekëse ku partneri i saj, Chino Darín, mban në krahë foshnjën e tyre. Përshkrimi i imazhit ishte i thjeshtë dhe plot emocion: “Përshëndetje, Babi.”
Corberó kishte zbuluar shtatzëninë në shtator të vitit të kaluar, gjithashtu përmes rrjeteve sociale, ku ndau me fansat një foto me barkun e rrumbullakosur, duke reflektuar lumturinë dhe pritjen e ëmbël.
Me ardhjen në jetë të djalit të tyre, çifti Corberó-Darín nis një kapitull të ri në jetën personale. Dyshja, që prej vitesh jetojnë një histori të qëndrueshme dashurie, po përjetojnë tashmë emocionet e para të prindërimit, larg zhurmës së skenës dhe nën dritën e një gëzimi krejtësisht intim.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
