Në Stamboll, jehona e formës fantastike që po kalon Muçi është shumë e madhe, me sulmuesin kuqezi që është kthyer në kryefjalë të çdo diskutimi, mbi të gjitha në shtëpinë e Trabzonspor. Drejtuesit e klubit, të shtyrë dhe nga trajneri Fatih Teke, nuk kanë ndërmend të presin më të gjatë, por do të blejnë menjëherë kartonin e Ernest Muçit.
Në bazë dhe të kontratës së lidhur me Beshiktash gjatë verës, Trabzonspor ka të drejtë të blejë përfundimisht kartonin e sulmuesit shqiptar, madje përpara përfundimit të sezonit. Gjatë verës, Trabzonspor pagoi 1 milionë euro për huazimin e Muçit, ndërsa kanë të drejtë të paguajnë me 5 këste të barabarta pjesën e mbetur të shumës prej 8,5 milionë euro.
Në momentin që Trabzonspor aktivizon të drejtën për të blerë kartonin e Muçit, pra në momentin që paguan këstin e parë, sulmuesi kuqezi do të bëhej automatikisht një lojtar i Trabzonspor. Në radhët e klubit nga Stambolli kanë nisur që tani të projektojnë sezonin e ri duke e vendosur Muçin në qendër të projektit.
Hapi i parë është blerja e kartonit të ti, më pas të ndërtojnë gjatë verës edhe ekipin me shpresën për të thyer hegjemoninë e dy gjigandëve të futbollit turk, Gallatasary dhe Fenerbahce. Në të njëjtën kohë, blerja e kartonit të Muçit konsiderohet si një investim i rëndeshim dhe i sigurt për të ardhmen.
Te Trabzonspor janë të bindur se këtë shifër mund ta marrin në çdo moment pasi për Muçin ka një interesim shumë të madh, madje edhe nga ekipe angleze. Shifrat e Muçit të imponojnë respekt ku deri në këtë pikë të sezonit ka shënuar 13 gola dhe ka dhuruar 5 asiste, lojtari më produktiv në radhët e Trabzonspor. Së fundmi, Muçi u vlerësua edhe si lojtari më i mirë i muajit janar.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
