Prishtina e Re arkëtoi tri pikë shumë të rëndësishme në garën për mbijetesë, në kuadër të javës së 21-të të Albi Mall Superligës së Kosovës, duke triumfuar në udhëtim ndaj Drenicës, me rezultat 2:0.
Të dy golat për Prishtinën e Re i shënoi Lorik Dobratiqi. Ai e zhbllokoi rezultatin në minutën e 41-të, derisa shifrat përfundimtare i vendosi në minutën e 58-të.
Me këtë triumf, Prishtina e Re arrin kuotën e 21 pikëve, duke u barazuar me Drenicën, e cila pas kësaj ndeshjeje zbret në vendin e fundit të tabelës.
Kjo fitore i rrit shpresat e Prishtinës së Re në garën për mbijetesë në elitën e futbollit kosovar dhe rrit dukshëm rivalitetin në pjesën e poshtme të tabelës në vazhdim të sezonit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
