Fitorja me Vllazninë ka rikthyer entuziazmin në Ballsh, në një moment kur skuadra duket sikur po shkonte drejt fundit të renditjes, javë pas jave. Afro tri muaj pa një fitore, por duket se presidenti besnik Kapllanaj vendosi që të bëj edhe një mini-revolucion. Lojtarë që kishin dy sezone në Balsh, nga ata me perspektivë, por edhe të rinj, vendosi që t’i shesë, në mënyrë që të mos humbiste e të largoheshin me parametra zero.
Por jo vetëm kaq, edhe për të futur një frymë ndryshe në skuadër, si për t’i dhënë një tjetër impuls grupit të lojtarëve, në mënyrë që në pjesën e mbetur të kërkonin edhe më shumë. Ndaj Vllaznisë skuadra nisi që të funksionojë dhe duket se nga porta me Ozols, me Dimov në mbrojtje, me Viera në mesfushë dhe Olavio në sulm.
Më parë ka treguar klasin e tij Fokam, ndërsa ranë në sy edhe Stoilov, që erdhi nga stoli dhe u kthye në hero për mallakastriotët. Skuadra tashmë, në fazën më determinonte të garës, duket se po “shkrihet” dhe duket se ka shumë për të thënë. Nga dje, në Balsh kanë nisur që të mendojnë për ndeshjen e radhës, transfertën ndoshta nga e delikatet e kësaj faze, me Elbasanin.
Ballshiotët tashmë ndodhen në vendin e tetë dhe synimi është që të ruajnë këto pozita, pse jo të ngjiten edhe më në renditje. Pikët ndaj Vlaznisë, shërbyen si oksigjen, por ndikuan shumë në aspektin moral, ashtu si dhe një vit më parë, kur një fitore m Vllazninë në Ballsh, bëri që skuadra të ndryshojë kurs. Kanë mbetur edhe 180 minuta nga fundi i fazës së tretë dhe pas Elbasanit, në Ballsh vjen Vora.
Bylisi tashmë nis që të bëjë llogaritë e veta në kampionat. Grupi premton dhe duket se në krahasim me disa nga ekipet e pesëshes së dytë, ballshiotët në këtë aspekt duken më të avantazhura. Ndonëse ende nuk kanë dhënë 100% të tyre, lojtarët e afruar gjatë merkatos duket se kanë qëlluar goditje, teksa tashmë është një Bylis miks, mes eksperiencës dhe të rinjve të talentuar me synimin edhe këtë sezon të qëndrojnë mes më të mirëve të futbollit shqiptar…
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
