Mëngjesi i sotëm ka nisur me tensione të forta në shtëpi, ku një debat i ashpër mes Mirit dhe Stenaldos ka tërhequr vëmendjen e të gjithëve. Pas disa ditësh me akuza të ndërsjella dhe thumbime të vazhdueshme, situata duket se ka arritur pikën e vlimit.
Gjithçka nisi me një koment që ndezi menjëherë atmosferën. Miri, i irrituar nga përsëritja e një teme që sipas tij po përdorej vazhdimisht si provokim, iu drejtua Stenaldos me tone të larta:
“Ik o vëlla, shiko punën tënde. Ngele ‘incesti, incesti’. Nuk ke punë tjetër?”
Deklarata e tij nuk mbeti pa përgjigje. Stenaldo reagoi menjëherë, duke lënë të kuptohet se situata mund të përshkallëzohej edhe më tej:
“Do vijë dita që do ia thuash atij.”
Debati mori një tjetër drejtim kur Miri e sfidoi hapur kundërshtarin e tij, duke e pyetur nëse kishte ndërmend të përballej drejtpërdrejt me të:
“Do rrish këtu me mua? Ti mua më bën fresk.”
Por Stenaldo nuk u tërhoq, përkundrazi, paralajmëroi se ishte i gatshëm ta çonte përplasjen deri në fund:
“Të bëj aq shumë sa të nxjerr jashtë nga këtu.”
Në kulmin e debatit, Miri hodhi një deklaratë që la të kuptohet se ai e konsideron veten si një lojtar të fortë brenda shtëpisë:
“Ty të ikën mendja që unë kam nxjerrë banorë nga këtu.”
Përplasja mes tyre ka rritur ndjeshëm tensionin në ambientet e shtëpisë, ndërsa mbetet për t’u parë nëse kjo situatë do të ketë pasoja konkrete në lojë apo do të jetë vetëm një tjetër kapitull i përplasjeve që po shoqërojnë ditët e fundit.
