Disfata në Champions “djeg” akoma në shtëpinë zikaltër, por pavarësisht këtij eliminimi të hidhur përballë Bodo/Glimt, “martesa” ndërmjet Inter dhe Cristian Chivu është e destinuar të zgjatet në kohë. Stafi drejtues, me në krye Giuseppe Marotta, kanë shprehur besimin total ndaj teknikun rumun. Me Chivu-n në stol, titulli në Serie A duket një formalitet, aktualisht janë +10 nga Milan, rivali i tyre kryesor, ndërsa janë në garë me kohë të plotë edhe në Kupën e Italisë, ku kanë siguruar një biletë për në fazën gjysmëfinale.
Shanset për të mbyllur sezonin me trofe janë shumë të mëdha. Për të shprehur besimin ndaj trajnerit dhe punës së bërë prej tij, Inter është gati t’i vendos në tavolinë një kontratë të re, e përmirësuar si në terma kohorë ashtu edhe financiar.
Sipas mediave italiane, Inter është gati të rinovojë me Chivu deri në 2028, me opsionin rinovimi edhe për një tjetër vit. Jo vetëm kaq, me kontratën e re parashikohet edhe një përmirësim i ndjeshëm i pagës pasi të gjithë në shtëpinë e Inter besojnë se Chivu është njeriu i duhur për të hapur një cikël të ri dhe fitues.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
