Finalistja e dytë e edicionit të katërt të Big Brother VIP Kosova, Elijona Binakaj, ka reaguar së fundmi ndaj thashethemeve që qarkulluan në rrjetet sociale për një lidhje të mundshme mes saj dhe reperit Finem.
Gjatë një interviste në emisionin “Weekend” në Klan Kosova, Elijona vendosi të sqarojë publikisht situatën, duke theksuar se mes tyre nuk ekziston asnjë raport romantik. Sipas saj, gjithçka që është përfolur në rrjete sociale ka qenë thjesht një keqinterpretim i disa detajeve të vogla.
Ajo u shpreh se e gjithë situata i duket disi qesharake, pasi sipas saj në rrjetet sociale shpesh ndodh që gjëra të vogla të zmadhohen dhe të marrin një tjetër dimension.
“Po më vjen me qesh, sepse si në rrjete sociale, detajet e vogla bëhen shumë të mëdha. Unë i pëlqej këngët e Finem dhe i dëgjoj, më pëlqen ekstrem, kaq”, u shpreh ajo gjatë intervistës.
Elijona theksoi se admirimi i saj për reperin lidhet vetëm me muzikën e tij dhe stilin artistik që ai sjell në skenë. Ajo shtoi se është një nga artistët që e dëgjon shpesh dhe që e pëlqen shumë për projektet muzikore që publikon.
Deklarata e saj vjen pas shumë komenteve dhe aludimeve në rrjete sociale, ku ndjekësit kishin nisur të spekulonin për një lidhje të mundshme mes saj dhe reperit të njohur. Megjithatë, me këtë reagim publik, Elijona duket se ka vendosur të sqarojë gjithçka dhe t’i japë fund zërave që qarkullonin online.
