POLICIA E SHTETIT
Specialistët për Hetimin e Krimeve në Komisariatin e Policisë Gjirokastër kanë referuar materialet në Prokurori dhe kanë nisur procedimin penal për një shtetas të dyshuar për prerje të paligjshme të lëndës drusore.
Bëhet fjalë për shtetasin me inicialet F. K., 50 vjeç, banues në Gjirokastër, i cili është konstatuar nga shërbimet e policisë duke prerë lëndë drusore në mënyrë të paligjshme në vendin e quajtur “Pirosti”, në fshatin Hundëkuq.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme hetimore.
