POLICIA E SHTETIT
Policia ka shpallur në kërkim një 38-vjeçar nga Memaliaj, i dyshuar për një incident të ndodhur në aksin rrugor Levan–Tepelenë.
Sipas njoftimit zyrtar, specialistët për Hetimin e Krimeve të Stacionit të Policisë Memaliaj shpallën në kërkim shtetasin L. S., 38 vjeç, banues në Memaliaj. Ai dyshohet se, për motive të dobëta, i ka ndërprerë rrugën me automjet automjetit që drejtohej nga shtetasi L. M..
Pas kësaj, 38-vjeçari dyshohet se ka thyer një nga xhamat e automjetit të shtetasit L. M. dhe më pas është larguar nga vendi i ngjarjes.
Policia bën me dije se vijon puna për kapjen e shtetasit L. S., ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
