Me një objektiv të vetëm dhe të qartë, të sigurojnë një vend në Champions, Juve është e detyruar në të njëjtën kohë të bëjë llogari edhe në lidhje me të ardhmen, të projektojnë sezonin e ri edhe pse në Torino janë disa çështje të tjera ende për t’u zgjidhur, duke nisur nga e ardhmja e trajnerit Spalletti.
Një nga pikat kryesore ku është fokusuar stafi drejtues është faza ofensive. David dhe Openda nuk kanë bindur me paraqitjen e tyre, ndërsa Vlahovic është ende në ajër pasi mungesa e firmës e bënë të paqartë të ardhmen e tij në Torino. Në kushte të tilla, drejtuesit e “Zonjës së Vjetër” po piketojnë disa objektiva me pak kosto dhe një prej tyre është Robert Lewandowski. Sulmuesi polak është futur në vitin që i përfundon kontrata, ndërsa Barcelona ia ka bërë të qartë se nuk bën më pjesë në planet e klubit, për këtë arsye nuk kanë ndërmend të aktivizojnë të drejtën për ta mbajtur në skuadër edhe për një tjetër sezon. Pavarësisht moshës, 38-vjeç, Lewandowski është një profil që pëlqehet shumë në Torino.
Deri në këtë pikë të sezonit, Lewa ka shënuar 14 gola në 34 ndeshje me fanellën e Barçës. Jo vetëm Juve, edhe Milan po ndjek prej kohësh situatën që po kalon sulmuesi polak, me Taren që është gati t’i ofrojë një kontratë. E vetmja gjë e sigurt në lidhje me të ardhmen e Lewandowski-t është se nuk do të qëndrojë më në Barcelonë, por një opsion i hapur është edhe MLS, aty ku shumë klube mund t’i ofrojnë të njëjtën pagë që përfiton aktualisht te Barcelona, 10 milionë euro, plus bonuse.
