Në një rrëfim të hapur dhe emocional, këngëtari i njohur Ed Sheeran ka treguar për momentet më të mira dhe më të vështira të jetës së tij gjatë një episodi të podkastit Friends Keep Secrets me Benny Blanco, Lil Dicky dhe Kristin Batalluco. Sheeran shpalli se dita më e mirë e jetës së tij ishte dasma me gruan e tij, Cherry Seaborn, ndërsa momenti më i vështirë ndodhi në shkurt të vitit 2022, kur gruaja e tij e telefonoi dhe i tha se kishte një tumor.
Ajo u diagnostikua me tumor ndërsa ishte shtatzënë me vajzën e tyre, Jupiter. Për gjendjen e saj aktuale, Sheeran tha: “Ajo është mirë, iu nënshtrua një ndërhyrjeje kirurgjikale dhe ishte shtatzënë në atë kohë, kështu që ishte e vështirë. Për fat të mirë, tani është plotësisht mirë. Ishte e tmerrshme.”
Gjatë atij viti të vështirë, Sheeran përjetoi edhe humbjen e mikut të tij të ngushtë, Jamal Edwards, i cili e kishte ndihmuar gjatë karrierës së tij. Përveç kësaj, ai po përballej edhe me një padi për shkelje të të drejtave të autorit për këngën e tij të vitit 2017, Shape Of You, të cilën përfundimisht e fitoi. Sheeran shpjegoi sesi përvoja e dhimbshme ndryshoi perspektivën e tij: “Duke qenë në procese gjyqësore, ishte sikur gjithçka ishte ndërtuar rreth saj për tetë vjet. Pastaj, papritmas, kur je në sallën e gjyqit, nuk kishte më rëndësi. Po e ndërtoja në kokën time dhe, për shkak të të gjitha atyre gjërave të vështira të jetës që ndodhën, mendova se nuk më interesonte rezultati i kësaj.”
Ai foli gjithashtu për vështirësitë me shëndetin mendor gjatë atij periudhe: “Nuk mund të bësh asgjë për këtë, ndihesh i pafuqishëm. Fillova të ndihesha sikur nuk doja të jetoja më dhe e kam pasur këtë gjithë jetën time. Po mbytesh nën valë dhe nuk mund të dalësh prej saj.”
Rrëfimi i Sheeran tregon një nga periudhat më sfiduese të jetës së tij, duke theksuar fuqinë dhe mbështetjen e familjes gjatë momenteve më të errëta.
