Irani është kthyer në një shqetësim të madh për FIFA-n, me këtë të fundit që duhet të marrë një vendim në lidhje me prezencën ose jo të tyre në Botëror. Më herët, Irani deklaroi se nuk do të merrte pjesë në Botëror, nuk do të udhëtonin në një vend jo miqësor si SHBA, por me sa duket kanë ndryshuar mendim, tani po negociojnë me FIFA për të gjetur një zgjidhje.
Për të bërë publik këtë ndryshim kursi ka menduar Ambasadorja e Iranit në Meksikë, me këtë të fundit që po negocion që ndeshjet e Iranit të mos zhvillohen në SHBA, por në Meksikë, një nga tre vendet që do të mirëpres Botërorin “FIFA2026”.
Këtë variant e ka mbështetur edhe presidenti i Federatës Iraniane të Futbollit, Mehdi Taj: “Presidenti i SHBA, Donald Trump deklaroi se nuk e garanton dot sigurinë e përfaqësueses së Iranit, sigurisht që ne nuk do të shkojmë në Amerikë. Në të njëjtën kohë po negociojmë me FIFA-n që ndeshjet e Iranit në Botëror të zhvillohet në Meksikë”, shtoi ndër të tjera presidenti i Federatës Iraniane të Futbollit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
