Carlo Ancelotti publikoi listën me lojtarët e ftuar për dy miqësoret kundër Francës dhe Kroacisë, sfida që do të luhen më 26 mars dhe 1 prill. Dy teste shumë të rëndësishme që pritet të vendosin përfundimisht edhe listën e lojtarëve që do të përfaqësojnë Brazilin në Botërorin “FIFA2026”. Ajo që bie në sy ishte mungesa e Neymar.
Ylli i Santos nuk qëndroi në heshtje, por reagoi publikisht ndaj këtij vendimi të Ancelottit:
“Do ta them këtë sepse nuk mund ta lë të shkojë. Natyrisht, jam i zhgënjyer dhe i trishtuar që nuk jam thirrur. Por fokusi mbetet i njëjtë, ditë pas dite, seancë stërvitore pas seancë stërvitore, ndeshje pas ndeshjeje. Fokusi mbetet. Ende kemi thirrjen e fundit dhe ëndrra mbetet gjallë”, u shpreh ndër të tjera Neymar.
