19 trofe të fituar në krye të Man.City, por as kaq nuk mjaftojnë, me Pep Guardiola-n që shpesh të akuzohet, ose shfaqin pakënaqësi ndaj tij në konferencë për shtyp. Në “Wembley”, Guardiola dhe djemtë e tij treguan forcën dhe mentalitet fitues duke “thyer” Arsenal në finale. “Qytetarët” i rrëmbejnë nga duart një tjetër trofe sezonal, këtë herë Carabao Cup, pas suksesi 2-0 në finale tremb jo pak Arteta-n në një kohë kur gara për titull në Angli nuk është mbyllur ende.
O’Reilly ishte protagonisti kryesor i kësaj finaleje, me mesfushorin anglez që realizoi një “dopietë” golash. Arsenal e nisi ndeshjen me mirë, me Havertz dhe Saka që iu afruan golit të avantazhit. Në fraksionin e dytë, Man.City mori kontrollin e lojës dhe në minutën e 60-të, O’Reilly përfitoi nga një gafë e portierit të Arsenal dhe me kokë dërgoi topin në rrjetë. Katër minuta më vonë, Man.City goditi edhe një herë “topçinjtë”, sërish në qendër të mbrojtjes, sërish me O’Reilly, me mesfushorin që me kokë dyfishoi shifrat duke bërë që Pep Guardiola të shpërthente në festë.
Arsenal tentoi në çdo formë të rikthehej në lojë. Fillimisht ishte Calafiori që goditi shtyllën, ndërsa 10 minuta nga fundi tentoi edhe Gabriel Jeus, por dhe braziliani u ndal në traversë duke bërë që festa në fund të ishte e gjitha për Man.City dhe Pep Guardiola-n që rikthehen të triumfojnë në Carabao Cup pas suksesit në vitin 2021.
Nuk e fshehu gëzimin për këtë sukses Pep Guardiola: “Festojmë me gëzim për këtë sukses, kjo pasi Arsenal, së bashku me Bayern Munich, apo edhe me Barcelonën, janë tre ekipet më të mira në botë. Të fitosh trofe është gjithnjë e rëndësishme. Për ne ishte speciale pasi vinim nga një moment i vështirë”, theksoi ndër të tjera Guardiola.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
