Te Kosova duket se janë futur “all-in” për të joshur 3 talentet që po spikasin në arenën europiane. Bëhet fjalë për Erblin Osmanin që në moshën 16-vjeçare debutoi me Bajernin e Mynihut në Bundesligë si dhe për Brajan Grudën dhe Lorent Tolaj që po shkëlqejnë respektivisht me Lajpcig dhe Plymuth.
Trajneri i i Kosovës Franko Foda dhe menaxheri Bajram Shala kanë konfirmuar bisedimet, por nuk dhanë shumë detaje. Bajram Shala, menaxheri i FFK-së konfirmoi se bisedimet kanë nisur me familjen e Osmanit.
“Erblin Osmani? Po, drejtori Muharrem Sahiti ka pasur kontakte direkt me familjarët e Erblin Osmanit”, deklaroi ai.
Ndërkohë, Foda është pyetur për dyshen Brajan Gruda e Lorent Tolaj, për të cilët deklaroi se i njeh mirë por aktualisht nuk mund të flet.
“Brajan Gruda dhe Lorent Tolaj? Janë emra shumë të mirë dhe interesant, të cilët i njoh. Mirëpo, fokusi im është te lojtarët që i kam këtu dhe pas ndeshjes mund t’iu përgjigjem për të tjerët”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
