Kjo javë ka rikthyer në vëmendje “Big Brother VIP Radio” në Top Albania Radio, ku banorët e shtëpisë më të famshme në vend po ndajnë mendime, analiza dhe prapaskena nga loja e tyre. Studio radiofonike e ngritur brenda ambientit të spektaklit është kthyer në një hapësirë rrëfimesh, ku personazhet diskutojnë hapur për strategjitë dhe marrëdhëniet e krijuara deri më tani.
Në panelin e radhës ishin të pranishëm Miri dhe Selin, ndërsa i ftuari special ishte Rogerti. Intervista u fokusua në ecurinë e lojës dhe në parashikimet për finalistët e këtij edicioni, një temë që gjithmonë ngjall interes të madh si brenda shtëpisë, ashtu edhe jashtë saj.
I pyetur nga Miri për pesë finalistët e tij të mundshëm në “Big Brother”, Rogerti dha një përgjigje të drejtpërdrejtë, duke përfshirë edhe veten në listë.
Rogerti: “Unë mendoj që do jenë 4, por meqë po më kërkohen 5 atëherë ata janë, Miri, Rogert, Selin, Juela, Brikena”.
Deklarata e tij u pasua nga një vlerësim i veçantë për Mirin, të cilin e sheh si një nga lojtarët më të fortë të këtij edicioni. Ai nuk hezitoi të shprehej hapur se do të ishte më i lumtur për suksesin e tij sesa për veten.
Rogerti: “Miri e meriton finalen më shumë sesa të gjithë ne, ai më ka mbështetur, më ka sjellë qetësinë, jemi ndoshta dyshja më e fortë në historinë e Big Brotherit”.
