Lajmi është bërë i ditur që dje në mbrëmje. Trajneri Mlladen Milinkoviç është shkarkuar nga stoli i Kukësit, po ashtu edhe ndihmësit e tij, Vasil Papa dhe Ermal Nexhipi.
Por sot klubi verior ka publikuar në faqen e vet edhe njoftimin zyrtar në lidhje me këtë çështje. Ja çfarë shkruan klubi kampiona:
“Duke nisur nga sot, në drejtimin e Kukëist nuk do jenë më tajneri Mlladen Milinkoviç dhe ndihmësat e tij. Sot ky staf, me në kye Milinkoviç, ka paraqitur dorëheqjen pranë presidentit të klubit.
Presidenti Safet Gjici ka miratuar dorëheqjen e tyre dhe i ka falënderuar për punën e bërë, edhe pse ajo nuk ishte në pritshmërinë e duhur dhe në objektivat e marra në fillim të sezonit nga Milinkoviç.
Kjo dorëheqje vjen pas rezultateve të dobëta dhe pikëve të pakta që stafi dhe ekipi morën.
Theksojmë se presidenti i ka dhënë mbështetje maksimale stafit që po largohet dhe disa here, edhe pse rezultatet ishin të dobëta, ku u ka dhënë shansin Milikoviçit dhe bashkëpunëtorëve të tij.
Pozicioni aktual i ekipit është larg objektivave që mori Milinkoviç, duke mos haruar dhe katër humbje në fushën e Kukësit, gjë që nuk kishtë ndodhur asnjëherë më parë.
Klubi është në trataiva për gjetjen e emrit të ri që do drejtojë pankinën e Kukësit dhe mes shumë kandidaturave do të përzgjëdhë më të mirin, që të vijojë punën për arritjen e objektivave për titullin kampion, pasi asgjë ende nuk ka mabruar dhe ka ende kohë që dhe me merkaton e dimrit të kapet vendi i parë”.
