Kthimi i shumëpritur i Kanye West në Los Angeles të mërkurën në mbrëmje u shoqërua me tension dhe kaos, pasi reperi ndaloi papritur performancën e tij në SoFi Stadium për shkak të një dështimi me piroteknikën dhe ndriçimin.
Gjatë këndimit të hitit të tij të vitit 2007, “Good Life”, West u duk i irrituar dhe bërtiti ndaj stafit: “Ndale, ndale, ndale… nuk më pëlqen kur dritat lëvizin ashtu… si dreq diskoteke”. Pavarësisht përpjekjeve të stafit për të rregulluar problemin, reperi vazhdoi të kritikohej ndriçimin, duke e krahasuar atë me një skenë të SNL dhe me dritat e Las Vegas. Pas disa minutash, shfaqja u rifillua dhe turma shpërtheu në duartrokitje.
Koncerti është pjesë e serisë Ye: Homecoming, e cila shënon rikthimin e West në skenat amerikane që nga viti 2021, pas një serie performancash ndërkombëtare në Meksikë, Kinë dhe Korenë e Jugut. Një moment i veçantë ishte pjesëmarrja e vajzës së tij 12-vjeçare, North, e cila u ngjit në skenë dhe këndoi bashkë me të përpara 70,000 spektatorëve.
Megjithatë, performanca nuk kaloi pa polemika. West ka qenë shpesh i kritikuar për deklarata antisemitike, përfshirë përdorimin e simboleve naziste dhe lavdërimin e Adolf Hitler. Organizatat hebreje në Los Angeles dhe në Mbretërinë e Bashkuar shprehën shqetësim se shfaqja mund të dërgojë mesazhe të dëmshme për komunitetin.
Reperi pritet të performojë sërish të enjten në SoFi Stadium, ndërsa debatet për të dhe përfshirjen e tij si headliner në festivale të mëdha vazhdojnë të ndezin polemika ndërkombëtare.
