Disfata në Zenica, mungesa për herë të tretë radhazi në Botëror, ka sjell “termet” në futbollin italian. I pari që sakrifikohet është pikërisht presidenti i Federatës Italiane të Futbollit, Gabriele Gravina, me këtë të fundit që u detyruar të jepte dorëheqjen për shkak të presionit të lartë. Menjëherë sapo u rikthye me ekipin në Itali, pas një mbledhje urgjente të zhvilluar në zyrat e Federatës, Gabriele Gravina pranoi se nuk do të jetë më në krye të Federatës, nuk do të marrë pjesë as në zgjedhjet e radhës që do të zhvillohen me 22 qershor:
“Pas shumë vitesh, kam ndjesi mikse, sigurisht një shije të hidhur, por jam dhe i qetë. Më duhet të falënderoj të gjithë bashkëpunëtorët që edhe në këtë kushte më kërkuar të qëndroja, por ky është një vendim personal”, u shpreh ndër të tjera Gravina duke u larguar nga zyrat e Federatës.
Për momentin tre janë kandidatët kryesorë për të pasur atë në krye të futbollit italian, Giovanni Malagò, Giancarlo Abete dhe Matteo Marani. I menjëhershëm ishte edhe reagimi i shefit të delegacionit të ekipit përfaqësues, Gianluigi Buffon:
“Tani që presidenti Gravina zgjodhi të bënte një hap pas, ndihem i lirë që edhe unë të tregojë nivelin e lartë të përgjegjësisë. Do të kisha dhënë dorëheqjen një minutë pas disfatës në Bosnje, por na u kërkua që të prisnim. Objektivi ishte të rikthenim Italinë në Botëror, nuk ia dolëm, dhe është e drejtë të bëj një hap pas”, u shpreh ndër të tjera Buffon.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
