Në nisje të ‘prime’ të sotëm të “Big Brother VIP”, Selin ka vendosur të sqarojë publikisht arsyet që e kanë shtyrë të vazhdojë garën, pavarësisht kërkesës së nënës së saj për t’u larguar nga shtëpia.
Banorja u shpreh e vendosur se zgjedhja e saj është bërë me vullnet të lirë, duke theksuar se nuk ndikohet nga presionet apo konfliktet brenda lojës. “Kam vendosur të vazhdoj garën sepse jo vetëm një Rogert dhe një Mir, por edhe shtatë të tjerë si ata nuk mund të më pengojnë nga rrugëtimi që do bëj unë në BBV”, deklaroi Selin.
Ajo ndau gjithashtu se ditët e fundit kanë qenë të vështira emocionalisht dhe të ngarkuara për të, sidomos pas zhvillimeve të fundit në shtëpi. “Këto 48 orët e fundit për mua kanë qenë ekstremisht të ngarkuara. Kam dashur të vazhdoj garën sepse ka qenë për të dalë ballë për ballë dhe për të mbrojtur veten përballë dy njerëzve që mendojnë se, duke paragjykuar dhe duke më dhënë epitete që s’më takojnë, mund të ecin para në garë. Kam vendosur të vazhdoj garën sepse jo vetëm një Rogert dhe një Mir, por edhe shtatë të tjerë si ata mund të më pengojnë nga rrugëtimi që do bëj unë në BBV”, shtoi ajo.
Në fund të fjalës së saj, Selin vuri theksin te rëndësia e familjes, duke kërkuar mirëkuptim dhe besim nga ana e tyre. “Për mua e para është familja ime. Nuk do thoja se janë zhgënjyer por do u thoja që të kenë besim për mua, për të mbrojtur të ardhmen time. Duhet të kenë besim te unë dhe unë jam e bindur se suportin e tyre e kam akoma. Kam qenë e shqetësuar, sepse jo vetëm për të ditur që unë thjeshtë kam pasur dëshirë të vazhdoj garën dhe jo si disrespekt ndaj tyre”.
