Ernest Muçi ishte dhe mbetet kryefjalë në Turqi, por këtë herë diskutimi është ndryshe, nuk po flitet më për super golat e tij, por për një dëmtim që e pengoi të ishte në fushë përballë Galatasary. Për fat të keq, Muçi pësoi një dëmtim gjatë grumbullimit me ekipin përfaqësues duke e detyruar të braktis Shqipërinë për të udhëtuar menjëherë drejt Turqisë në mënyrë që të niste fazën e riaftësimit.
Nga Turqia, mediat bëjnë me dije se këtë periudhë, Muçi ka pësuar një tjetër dëmtim, këtë herë në kyçin e këmbës. Pas shqetësimeve në ije, sulmuesi kuqezi duhet të bëjë llogaritë edhe me këtë dëmtim të ri duke e bërë akoma më të paqartë gjendjen e tij fizike. Pas ndeshjes kundër Galatasary edhe trajneri Fatih Tekke deklaroi se do të ishte e vështirë që Muçit ë rikthehej në dispozicion të ekipit për takimin e kësaj fundjave.
Ky dëmtim i yllit kuqezi vjen në një moment shumë të rëndësishëm të sezonit pasi Trabzonspor është rikthyer në garë për titullin në Turqi pasi ekipi i tij ndodhet në vendin e tretë në kuotën e 63 pikëve, po aq sa Fenerbahce dhe një pikë më pak se Galatasary.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
