Në Serie B, vëllezërit Shpendi mbetet kryefjalë, të dy së bashku kanë realizuar 23 gola. Këtë javë ishte Cristian Shpendi i cili mori vëmendjen, me sulmuesin kuqezi që ishte protagonist në golin e Cesena-s. Zyrtarisht u konsiderua si një autogol, por për Shpendin dhe të gjithë në radhët e Cesena-s ishte ai autori i vërtetë i golit.
Më shumë se sa ky episod, ajo që bën xhiron në Itali ishte deklarata e trajnerit të tij, Ashley Cole, me këtë të fundit që bëri një krahasim epik ndërmjet Shpendin dhe Thierry Henry, në lidhje me rolin e ri të Shpendit si një sulmues krahu.
I pyetur për këtë ndryshim, Shpendi u shfaq komod: “Është një gjë që vetëm mund të më sjell të mira. Sigurisht që është fillimi dhe më duhet të përshtatem. Nëse nisem nga e majta dhe futem në qendër, kam më shumë shanse. Personalisht jam shumë i kënaqur që u riktheva te goli. Nuk mendoj se topi e kishte kaluar totalish vijën fatale, mendoj se ishte goli im”, u shpreh Cristian Shpendi pas ndeshjes kundër SudTirol.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
