Qazim Laçi, mesfushori kuqezi, rikthehet të dhurojë një perfomancë fantastike në Turqi. Në sfidën përballë Samsunspor, Laçi dhuroi 2 asiste dhe realizoi një gol të bukur, duke u shndërruar në protagonistin kryesor në suksesin 4-1 të ekipit të tij, Rizespor. Në minutën e 43-të, Laçi lëshoi një goditje të bukur në drejtim të kuadratit e cila gjeti një devijim duke përfunduar në rrjetë, ky ishte goli i dytë për Rizespor.
Në limitet e pjesës së parë, këtë herë Laçi u shërbyer në zonë dhe me një goditje të saktë tundi rrjetën duke dërguar shifrat në 3-0.
Me fillimin e pjesës së dytë, Laçi dhuroi një tjetër asist që solli golin e katërt për ekipin e tij. Mesfushori kuqezi qëndroi në fushë deri në minutën e 72-të. Paraqitja fantastike e Laçit në këtë takim u vlerësua edhe nga mediat, me shqiptarin i cili mori notën 9.1, një notë shumë e lartë.
Deri në këtë pikë të sezonit, Qazim Laçi ka shënuar 5 gola dhe ka dhuruar 8 asiste.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
