Tirana, trajneri Shehi: Sukses i merituar, jam i bindur për cilësinë e këtij ekipi!

Trajneri i Tiranës, Orges Shehi dha mendimin e tij pas fitores 3-1 ndaj Egnatias.

“Patjetër që më kënaq, për nevojën që ne kemi për pikë. Që pas ndeshjes me Partizanin, jemi munduar që ta harrojmë shpejt. Por jemi fokusuar te ana psikologjike. Kjo ishte ndeshje testi për ne, duhej sakrifica e të gjithëve. Ku ka më mirë sesa ta tregosh përballë ekipeve të forta. Nëse kemi këtë shpirt gare, mendoj që do të na shërbejë shumë për të ardhmen.

Xhixha? Nuk do të donim që ta nisnim kështu, ultra ofensivë, edhe për shkak të gjendjes fizike të Xhixhës dhe Tabeku, po rrezikojnë. Po kërkonim që të rrinim në bllok të mesëm apo të ulët. Kishim pak vështirësi përsa i përket ndërrimin e krahut. Sakrifikuam Rimalin që të mbante edhe gjerësinë. Donim të ndërtonim nga poshtë.

Kur e fitonim topin, na mungonte që të ndërronim krahun e lojës. I thamë në pjesën e parë që me këtë mënyrë po lodhim sulmuesit. Por, nuk është se e kishim përgatitur për të dalë aq shpejtë në sulm, por ka të bëjë presioni dhe pozicioni ku jemi.

Kemi punuar shumë për krosimet. Për këtë zgjodhëm që të kishim dy qendërmbrojtës shtatlartë. Nëse Ndong futej brenda, Kobiljar duhet të ruante linjat qëndrore. Rimali mori udhëzim që të zbriste poshtë. E rëndësishme ishte që dy qendërmbrojtësat mos të dilnin nga rrezja e portës, por të ishin aty.

Kemi thënë gjithë kohën, duhet të kuptojmë që një top është në fushë, jo të gjithë kanë prekje topi. Kemi lojtarë që kanë kualitet për të mbajtur topin, por sakrifica është thelbësore. Kjo lidhet me nevojën e pikëve, nuk lidhet gjithmonë me lojën e bukur, por për pikët. Mos të harrojmë që pozicioni i tabelës na fut në stres të gjithëve.

Ndërhymë pas pjesës së parë, e dimë që Alvarez nuk e ka gjendjen e mirë. Por, si e luan ai futbollin, janë lojtarë të paktë, por ai është stacion shumë i mirë, të jep qetësi. Për këtë e lamë në fushë, për të kapur edhe hapësirat me pasimin e tij të mirë. E dinim që gjendja e tij nuk është optimale, kërkonim që të ishte tek ato zonat aty, por për cilësitë që ka me topin, ta shfrytëzonim.

Kalendari shqetësues, dy derbi radhazi? Patjetër që e dimë që kalendari është me skuadra të forta. Kërkonim që nga ana psikologjike të fitonim sot për pikë, por edhe për të bindur veten që të përballemi të barabartë. Jemi ekip i ri, 5-6 lojtarë nga formacioni kanë ardhur në janar. Por me frymën e bashkëpunimit, na intereson shumë, duam pikët pak rëndësi me kë përballemi. Mbijetesa? Vazhdimësia është shumë e rëndësishme”.

© BalkanWeb