Fitorja 0-5 ndaj St Paulit mbart kuptim të veçantë për Bayern. Bavarezët janë i vetmi klub gjerman që kanë shënuar 100 gola në një sezon të vetëm. Së bashku me sezonet 2015/26 dhe 1971/72, sezoni 2019/20 nën drejtimin e Hansi Flick u mbyll gjithashtu me 100 gola.
Goleada me 5 gola e fundjavës bëri që skuadra e Kompany të çojë numrin e golave në 105 dhe në këtë mënyrë, të tejkalojë rekordin e mëparshëm, të mbajtur gjithashtu nga gjigantët bavarezë, nga sezoni 1971/72, i cili përfundoi me 101 gola, 40 prej të cilëve u shënuan nga sulmuesi Gerd Müller.
Për këtë edicion mundësitë janë të mëdha për përmirësimin e shifrave, pasi deri në fund të kampionatit gjerman janë edhe 5 xhiro për t’u mbajtur.
“Janë ato momente kur rezultati është 5-1, 6-1 ose 7-1 dhe ne vazhdojmë të sulmojmë, të bëjmë presion dhe të përpiqemi të shënojmë edhe më shumë gola. Më pëlqen shumë kjo”, shpjegoi Vincent Kompany pas sfidës së fundit.
Bayern synon që në këtë sezon të bëjë gjëra të mëdha, teksa është në lojë për të fituar 3 trofe.
